Огромна тага, нека му е светол патот
Почина Ефтим Исиров, бизнисменот и сопственик на фирмата за трговија „Еуротрејд“.
Тажната вест ја сподели поранешниот советник на премиерот Зоран Заев и бизнисмен, Александар Ружин.
„Последен поздрав до господинот Ефтим Исиров-големиот пријател на семејство Ружин, бизнисмен и сопственик на фирмата за трговија „Еуротрејд“. Човек кој секогаш им помагаше на сите, како финансиски, така и со неговата иновација-препаратот на природна база кој помогна на многу луѓе од целиот регион при лекување од најтешки болести. Од него научив многу за бизнисот, а ми помогна и на самиот почеток, нешто што во денешно време ретко кој би го сторил. Сочувство до семејството и до сите скопјани и валандовчани, кои со огромна тага денес ја примија оваа тажна вест“, напиша Ружин на социјалните мрежи.
Исиров се најде во фокусот на јавноста пред четири години кога на лист хартија се потпиша за да докаже дека со фалш потпис преку неговата сметка „Комерцијална банка“ перела пари. Од банката тогаш одговорија дека немаат намера преку медиуми да се расправаат со фирми или поединци чии односи со банката се деловна тајна и целиот случај го нарекоа измислен.
Фото: Фејсбук/Александар Ружин
