Тажна вест
На 51-годишна возраст утрово во Штип почина бизнисменот Тони Димитровски-Папата, сопственик на компанијата Хамачи, објави локалната телевизија Стар.
Повеќе од три децении, Димитровски го градеше бизнисот на повеќе полиња и за целиот период бележеше огромни резултати, велат неговите сограѓани.
Спаѓа во редот на најголемите бизнисмени не само во Штип, туку и пошироко, давајќи пример како еден млад човек тргнувајќи од ништо може да создаде голема лична и професионална сатисфакција, пренесува ТВ Стар.
Димитровски освен како успешен бизнисмен, беше познат и како сопственик на компанија која покажуваше голема општествена одговорност, а тој самиот беше донатор во многу хуманитарни акции.
