Вељко Беливук и уште дваесет негови соработници се осомничени за атентатот на Милан Љепоја, припадник на криминалната банда Пинк Пантер, но и за ликвидациите на навивачите Горан Величковиќ и Здравко Радојевиќ и за уште неколку се’ уште нерасчистени убиства.
Истрагата сега доби нов тек по сведочењето на обвинетиот Срѓан Лалиќ.
Тој тврди дека криминалниот клан на Вељко Беливук и Марко Миљковиќ, кому му се суди за седум монструозни убиства, извршил уште најмалку 14 грозоморни ликвидации во повеќе земји.
Тој открива дека по наредба на Беливук и Миљковиќ, на 10 јануари 2020 година во Атина биле убиени „насилниците“ Стеван Стаматовиќ и Игор Дедовиќ.
Лалиќ објаснил дека Лаиновиќ го убил Стаматовиќ, кој скокнал на пиштолот, а Миле Брашњевиќ Дедовиќ, кој веднаш добил куршум во челото, а главата му паднала во чинија.
Според него, Беливук и Миљковиќ отпатувале во Атина поради убиството на „ѓубрињата“. Двајцата имаа македонски пасош, пишува „Република“.