На 35-годишна возраст почина познатата актерка Рашида Вилијамс.
Трансродовата ѕвезда позната како „Коко Да Дол“ е застрелана во Атланта, јавува „Метро“.
„По пристигнувањето на местото на несреќата, полицијата пронајде мртво женско лице со очигледна прострелна рана. Не покажуваше знаци на живот и веднаш беше прогласена за мртва“, изјави за медиумите полицијата на Атланта.
Рашида неодамна се појави во документарниот филм „Кокомо Сити“ кој премиерно беше прикажан на познатиот филмски фестивал Санденс.
-Го снимив „Кокомо Сити“ затоа што сакав да ја покажам забавната, хуманитарната, природната страна на црните транс-жени. Сакав да направам филм кој не прикажува трауми или статистика на убиства на овие посебни луѓе. Сакав да создадам нешто свежо и инспиративно. Успеав. Ние заедно го направивме тоа“, напиша во својата изјава Смит кој го режираше филмот.
Тој жали што, сепак, историјата се повторува.
„Смртта на Коко е исклучително тешко да се поднесе, но сега повеќе од кога било сме охрабрени да го инспирираме светот со нејзината приказна. Да покажеме колку била убава и полна со живот. Таа ќе ги инспирира генерациите што доаѓаат и никогаш нема да биде заборавена“, дополнува Смит.
