Дали сте знаеле дека една третина од храната што ја јадеме ја опрашуваат пчелите и дека тие се всушност одговорни за хранење на 90 отсто од светската популација?
Британскиот природонаучник и телевизиски презентер Дејвид Атенборо советува дека во секој двор треба да има по една лажица шеќер за да можат пчелите да се прихранат и да добијат енергија да се вратат во својата кошница.
Пчелите често знаат дека се уморат, па немаат сила да се вратат во кошницата поради патот што го поминале.
Кога би ги снемало пчелите од нашиот еколошки систем, човештвото би имало сериозен проблем, но, за жал, тоа го правиме секојдневно со употреба на пестициди, но ио преку урбанизацијата и климатските промени кои се важен фактор за драстично намалување на бројот на пчели.
„Доколку пчелите исчезнат од планетата, луѓето ќе имаат само четири години живот“, подвлече Атенборо во една прилика.
Затоа, ако не сакате тоа да се случи, кога ќе забележите пчела во вашата градина, измешајте лажица шеќер со лажица вода и оставете ја на видно место. Мешавината ќе ја рехидрира и ќе ѝ ја даде потребната енергија за да продолжи со нејзината витална работа.