Априлската пензија се очекува да биде исплатена на втори мај, со оглед дека први мај е неработен ден.
Некои од банките пензијата најаверојатно ќе ja исплатат и пред празникот.
Мартовските пензии беа покачени за пет проценти. Најниските пензии беа зголемени за околу 600 до 800 денари. Во оваа најниска група спаѓаат околу 40 отсто од пензионерите, или тука се околу 140 илјади пензионери. Нивните примања се од 12.500 до 16.000 денари, а нивното усогласување е околу 5,3 отсто.
Додека, пак, од вкупно 337 илјади пензионери, 93 илјади земаат пензија од 20 до 32 илјади денари, и сега нивните месечни прилив се поголеми за околу 1.250 денари.
За оние чии пензии се од 30 до 50 илјади денари, добија плус 2.000 денари. Оние кои се малку и чија месечна пензија е над 54 илјади денари, можат да се пофалат со зголемување од нешто помалку од 3.000 денари.
Следното покачување се очекува веќе во септември.
