Оваа година за први и за втори мај, како и за велигденските празници повторно ќе имаме нестабилно време.
Славчо Попоски најавува попладневни локални поројни врнежи од дожд, грмежи и со засилен ветер во зоната на нестабилност.
Поради загреаната атмосфера не се исклучува можноста локално процесите да бидат и во вид на невреме, односно тие да бидат нешто поинтензивни.
Ова важи и за скопскиот регион, каде во делови од него можна е попладневна појава на пороен дожд, грмежи и засилен ветер.
Што се однесува до температурите, тие остануваат пролетни и ќе се искачуваат во интервалот некаде од 21 до 27 степени.
