Кико ноќта ја помина добро и моментално е во стабилна состојба, открива предмалку македонскиот јутјубер Стефан Лазаров.
„Како што бевме сите сплотени околу финансискиот дел, сега е битно да се молиме сите заедно и надеваме дека ќе биде се’ како што треба“, пишува тој.
„Разговарав со семејството и сите сме свесни дека во моментов е потребен мир и верба за Кико да продолжи да се бори. Постојано добивам пораки како е Кико и тоа ме радува, но во моментов мораме да почекаме и да имаме разбирање за неговата ситуација која се менува на секој час. Кико е борец и знам дека ќе биде се како што треба“, завршува Лазаров.
Кристијан Коцев-Кико од карбинското село Долни Балван има ретка дијагноза Атаксија-телеангиектазија. Откако му се влоши здравствена состојба беше сместен во приватна болница во Скопје. За само четири дена пртеку донации се собраа 50.000 евра за негово лекување.
