Дневна евтина тарифа на струјата ќе има, но од следната година. Иако се очекуваше тоа да се случи сега од први јули, според информациите на Телма оваа поволност граѓаните ќе ја добијат од јули идната година.
Наместо евтина тарифа, најверојатно од први јули ќе има и благо покачување на цената на струјата за граѓаните-едноцифрено, неофицијално дознава телевизијата.
Евтината дневна тарифа беше укината на 1 јануари 2022 година, кога имаше и поголемо зголемување на цената на електричната енергија за 9,48 отсто. Доколку останеше евтината дневна тарифа, ќе требаше да се зголеми цената на струјата за дополнителни 5 отсто, односно зголемувањето ќе изнесуваше 14,23 отсто.
Евтината тарифа беше укината со образложение дека цената на струјата во Македонија била најниска во Европа и освен кај нас, модел на користење на струјата како евтина тарифа немало никаде.
