Тажна вест
Со солзи, но и со овации, колегите му оддадоа почит на еден од најдобрите босански изведувачи на севдалинки, легендарниот Сејо Питиќ кој почина пред три дена во Сараево.
„Плава жена, топла зима“ е нумерата со која се прослави во целиот регион.
Откако многу пејачи ќе ја одбијат оваа песна, Сејо ќе ја прифати и сними, па со неа ќе ја освои публиката на фестивалот „Илиџа“ во 1980 година.
Композицијата заврши на скромното деветтото место, но синглот се продаде во милионски тираж и го вивна Питиќ меѓу најголемите ѕвезди на естрадата.
Оние што вистински го познаваа велат дека бил и останал боем до последниот ден. Трипати се женеше, а тоа доволно кажува дека тешко правеше компромиси не само на сцената, туку и во приватниот живот.
