Секти измислуваат приказни за евтини кликови на интернет. Ова им го порача Перо Антиќ на оние кои веќе со месеци шпекулираат за неговата наводна врска со балканската фолк-ѕвезда Цеца Ражнатовиќ.
Тој конечно се огласи на оваа тема за порталот „ММС“.
Сподели неочекувана вест, а тоа е дека по разидувањето со топ-моделот Катарина Ивановска, сепак, повторно љуби.
„Јас сум си среќно заљубен со друга личност и нека не ме мешаат со други за евтини кликови на интернет. Нема врска. Зашто Скопје е станато како „мртво море“, како што вели Цеца во песната? Ете затоа. Од рекла-казала приказни. Место да се гледат поголеми вредности, се измислуваат приказни. И затоа пропаѓа градот, да не кажам државата. Од такви нелуѓе“, коментира Антиќ за ММС.
Вели дека интимен живот не споделува.
„Нека си шпекулираат. Само ќе кажам мојата нова љубов е македонско девојче“, вели тој.