Отсекогаш биле оригинални на сцена, но судејќи по фотографиите од нивниот приватен албум нивната уникатност е очигледна и позади камерите.
Првата средба ја имале на Факултетот за музичка уметност, во заткулисниот простор покрај клавирот кој подоцна станал симбол на нивната љубов и на нивниот животен пат.
Силвана Мучиќ и Влатко Плевнеш се една од најстабилните естрадни двојки, а за тоа доволно зборува нивниот хармоничен брак кој трае веќе три децении.
Во едно ТВ-гостување тие го отворија нивниот свадбен фото-албум, а од приложеното можеше да се забележи дека „Силви бенд“ биле уникатни кога е во прашање имиџот и на еден од најважните денови во животот за секој од нас.
– На мојата свадба сама се нашминкав и сама си ја направив фризурата. И јас и мојот сопруг за овој свечен чин во 1993 година носевме креации на костимографот Раде Василев – откри Силви во таа пригода.
