Преубави
Македонската ТВ-презентерка Татјана Стојановска конечно објави фотографии од нејзината свадба која викендов сериозно го привлече вниманието на јавноста.
Регистрацијата и прославата се одржаа во еден познат скопски хотел во присуство на нивните најблиски роднини и пријатели, а таму ја правеа и фотосесијата.
Една слика особено привлече внимание, онаа покрај клавирот. Дали сопругот на Тања, бизнис консултантот Михаил Китановски, ги покажа своите вештини и ни откри дека музиката е неговиот скриен талент, допрва ќе треба да ни покаже.
Уште еден детаљ од свадбената церемонија особено падна в очи, а тоа беше пуштањето на прекрасните бели гулаби-традиција на венчавките која потекнува од Италија, каде истите ги претставуваат младенците кои го напуштаат родителскиот дом, како птичјо гнездо, како би започнале нов заеднички живот и нова фамилија.
Во различни култури, религии и легенди гулабот има различно, но сепак племенито значење и често оваа птица е претставена како Божја! Се смета за симбол на верност и љубов, среќа и благосостојба, мир и долговечност како и симбол на мајчината љубов и плодност!
Ова е втор брак и за двајцата. Стојановска од првиот брак со фолк-пејачот Благоја Грујовски го има синот Матеј.
Татјана и Михаил се запознаа на одмор во Турција 2012 година каде беа со децата и таа пријателска дружба премина во врска. По една година почнаа заедно и да живеат.