Мајката на познатиот македонски пејач Наум Петрески викендов го прослави својот 80-ти роденден.
Семејството се собра во еден познат локал, а фотографии од дружењето сподели снаата Зуица Лазова.
„Да ти се множат мајче. Дај боже да доживееме и да бидеме како тебе!“, напиша пејачката на социјалните мрежи.
Зуица и Наум се една од најпознатите македонски двојки. Фолк-ѕвездите живеат заедно повеќе од деценија и пол, но малкумина знаеја дека се’ до лани тие не беа во брак. Популарните пејачи дури во јули минатото лето решија да склопат граѓански брак и да се заколнат пред Бога.
Плод на нивната љубов се ќерката Македонка која студира соло-пеење на Факултетот за музичка уметност и синот Стефан кој годинава прослави полуматура.
