Момче кое на „ТикТок“ се потпишува под псевдонимот Geebeetv објави неколку кратки видеа поврзани со реновирањето на една стара куќа од 1920-тите во која се пронајдени повеќе чудни предмети.
Најмногу внимание кај неговите следбеници привлече една морничава кутија за која недостасува клуч. На неа пишува „peidiwch ar ryddhau“, што на стар велшки јазик значи „не отворај“.
Една недела подоцна во аголот на една од собите забележал старо огледало кое се нишало додека одел по подот.
Од љубопитност го скршил стаклото со чекан и така го пронашол клучот од дрвената кутија.
Љубопитноста и кај него и кај неговите следбеници станала се поголема, па одлучил да ја отвори кутијата во која пронашол изгорен дел од панелот за „повикување духови“ и привезок. Покрај тоа, некој оставил прамен коса и уште еден клуч во кутијата.
Снимките предизвикаа бројни коментари, а многумина напишаа дека ова е буквално вовед во хорор филм. Трите видеа ги погледнале повеќе од 70 милиони луѓе.
Иако многумина тврдат дека се’ е исценирано, некои сепак веруваат дека во парашање е „виша сила“.
