Една жена на „ТикТок“ која се потпишува под псевдонимот „Jaifive“ сподели видео на кое се гледа леб нарачан преку интернет.
Таа се обидува да го пресече на секој можен начин, во даден момент дури и ја удира векната со чекан, но едноставно не може никако да го преполови.
„За малку ќе ги искршев прстите“, напиша таа обидувајќи се да здроби едно парче.
Видеото предизвика бурни реакции на интернет, се нижеа бројни урнебесни коментари.
„Тужи ги, имаш конкретни докази“, „Наместо лебот што си го нарачал, тие испорачуваат оружје“, „Гледај ја добрата страна.. Имаш резервен чекан“, „Сакав да купам палка за самоодбрана, наместо тоа ќе го купам овој багет“ се само некои од коментарите.