Ново откритие од истрагата за убиството на малата Данка ја шокира јавноста
Осомничените вработени во ЈКП Водовод, Срѓан Јанковиќ и Дејан Драгијевиќ, ја убиле малата Данка Илиќ (2), а ново откритие од истрагата дополнително ја вознемири јавноста.
Шефот на Управата за криминалистичка полиција, Нинослав Чмолиќ, обелодени шокантно откритие.
Имено, откако ја удриле Данка со својот автомобил, помислиле дека е мртва и ја ставиле во багажникот, но девојчето било живо и во еден момент се разбудило.
„Според нивните изјави, застанеле да уринираат во близина на куќата. Подоцна, кога продолжиле, ја удриле Данка и потоа ја ставиле во багажникот. Чудното движење на нивното возило било снимено на ГПС. Нивните искази не се поклопуваат за давењето на детето, бидејќи детето се разбудило додека возеле, а сопатникот ја задавил Данка. Но, според дадените изјави, тие не можат да се договорат кој го давел девојчето. Јасно е само дека подоцна ја фрлиле во депонија“, изјави началникот на српската полиција.
Полицијата деноноќно собира докази.
„Еден од убијците има блокада и не се сеќава каде го оставил телото. Факт е дека нивните приказни се совпаѓаат со деталите за ударот, но не се усогласени за вистинското убиство на детето. Данка била во несвест откако ја удриле со автомобил, а мислеле дека е мртва, па се изненадиле што се разбудила. Едниот ја удавил и на крајот ја фрлиле на депонијата“, вели Чмолиќ.
