Легендарниот бразилски фудбалер почина на 82-годишна возраст, а веста за неговата смрт ја соопшти неговото семејство
Пеле се одјави како еден од најголемите играчи на сите времиња. Со репрезентацијата на Бразил три пати беше светски првак, нешто што на ниту еден друг играч не му успеа.
Имаше седум деца и беше во брак со Марсија Аоки. Од првиот брак со Роземери Чолби се родија Кели Кристина, Едињо и Џенифер. Поранешниот фудбалер е и татко на близнаците Џошуа и Селест, од врската со психологот Асирија Лемос. Пеле има и две вонбрачни ќерки, Сандра Реџина, која доби признание за татковство од страна на Пеле, но која почина во 2006 година, и Флавија.
Последните мигови на овој свет ги помина токму со семејството.
Последната снимка в болничка постела беше објавена на католичкиот Божиќ. Во присуство на најмилите одговараше на видеоповици и се простуваше колку што имаше сила. Не беше во состојба да зборува.
Фото: Твитер