Коста Кецмановиќ (13), кој пред една недела со пиштолот на својот татко уби осум деца од ОУ „Владислав Рибникар“ и училишниот чувар, а рани шест ученици и наставничката по историја, се наоѓа во специјалното одделение во психијатриска установа.
Според законот, мајката на Коста дала дозвола тој да престојува во споменатата установа на набљудување, но како што дознава порталот „Србија данас“ информациите за малолетниот убиец се чуваат во најстрога тајност.
Ниту вработените во клиниката немаат увид во податоците за здравствената состојба на Коста, што е нормална практика бидејќи во електронската база се евидентираат податоци за прием на пациенти, како и ажурирање на податоците за прегледите и промените во состојбата.
Поради деликатноста на случајот, во медицинскиот картон на Коста биле внесени само информации за прием со име и презиме, без никакви детали.
Клиниката во која се наоѓа Коста постојано добива смртни закани, па властите ги зголемија безбедносните мерки пред истата.
Инаку, според последните сознанија, момчето планирало масовно убиство веќе цел месец, а она што е утврдено со вештачењето на неговиот мобилен е дека свесно го извршил убиството на своите врсници и на училишниот чувар, затоа што непосредно пред кривичното дело на интернет го пребарувал Кривичниот законик на Србија со цел да истражи дали децата под 14 години кривично одговараат за злосторства.