Нова трагедија денеска се случи во Србија, откако 34-годишен маж ја застрела поранешната осум години помлада девојка, па се самоуби.
Неофицијално, тој прво пукал во прозорецот од козметичкиот салон за солариум каде што работела жртвата, а потоа упаднал внатре и ја убил. Неколку секунди подоцна си пукал во глава.
Кога итната помош пристигнала на местото на крвавото злосторство, девојката веќе била мртва. Убиецот давал знаци на живот, но набрзо и тој им подлегнал на повредите.
И двајцата се од Бач, а В.Р. веќе бил насилен кон жртвата. Кон крајот на април годинава бил пијавен за семејно насилство и веднаш му била изречена мерка „забрана за приближување и комуникација“.
Полицијата, исто така, привремено го одзела и целото оружје кое легално го поседувал како страствен ловец, но наводно и работел во продавница за оружје.
Не е познато како В.Р. го набавил пиштолот со кој го извршил денешното злосторство.
