Иако има 56 години, Калиопи може да се пофали со младешки изглед на кој можат да ѝ позавидат и многу помлади припаднички на понежниот пол.
Таа на својот инстаграм-профил сега објави дека ослабнала дури десет килограми за само 17 дена, благодарение на диетата со липосукција, режим на исхрана со кој бројни познати личности на Балканот засекогаш ги решија проблемите со килограмите.
„Како и секој што ослабе, и јас моментално се откажав од слатките, од лебот и млечните производи.. Успевам да им одолеам на искушенијата, а откажувањето не ми е тешко, бидејќи одлуката што ја донесов е поважна од сите можни специјалитети. Навиките поврзани со исхраната кои ги стекнав додека слабеев сега се мојот нов начин на живот“, изјави Калиопи.
Македонската поп-дива често во своите интервјуа нагласуваше дека е голем гурман, дека подеднакво сака и да готви и да јаде, но дека во име на здравјето и убавиот изглед понекогаш е добро да се биде умерен.
