Била сосема просечна девојка од соседството, а потоа посакала да личи на Ким Кардашијан. На пластична хирургија потрошила богатство, а резултатите се очигледни
Бразилската манекенка Џенифер Памплона потрошила над 500.000 долари за да личи на Ким Кардашијан. Направила преку 30 естетски корекции и практично го променила секој дел од телото.
Посебен акцент ставила на задникот подложувајќи се на специјална техника за подигнување на овој дел од телото наречена „пајакова мрежа“.
При овој зафат се аплицираат над стотина иглички кои би требало да го стимулираат производството на колаген во задникот и на тој начин мускулите се затегнуваат, а кожата останува нежна и рамна.
Пред две години Џенифер била на работ на смртта кога силикон ѝ експлодирал во градите. Овој инцидент ѝ ја променил перцепцијата и сега наводно се обидува да заборави на својата зависност од операции.
Од неодамна е на „Инстаграм“, сврте нов лист во кариерата и сега се декларира како фитнес-гуру.
„Сакам да им помогнам на девојките да постигнат идеални резултати, но не под нож, туку со вежбање“, порачува таа.
