За време на црковните празници кај сите верници секогаш се наметнува истата дилема-дали ќе го навлечеме гневот на светецот чиј ден се празнува ако, на пример, нешто зашиеме или испереме. И секој што ќе го прашаме ќе ни каже дека никогаш ништо не треба да правиме на ден кој е со црвено заокружен во верскиот календар, бидејќи во спротивно ќе ни се случи нешто лошо и се’ ќе ни тргне наопаку.
Дали Црквата навистина проповеда дека ништо не треба да се прави во деновите на празнувањето на светците или е ова уште еден мит или дури и плод на суеверие, одговор дава свештеникот Стеван Стефановиќ кој разбира зошто верниците се особено загрижени за време на црковните празници.
„На секој црковен празник ме преплавуваат со пораки дали може да се вклучи машината за перење. Затруен од високата, салонска теологија, како студент го сметав ова прашање за сосема безначајно и излишно. Меѓутоа, практиката ме демантираше. Она што го сметав за селски проповеди пред дваесет години, денес се најчестите теми на моите предавања“, го започнува тој своето излагање.
Вели дека ако консултираме било кој светец во долгата историја на Црквата, секој едногласно ќе ви каже дека не треба да работите на црковните празници.
„Од каде дојде тоа? Дали нашиот Бог го благословува нередот или му годи во негова чест да не правиме ништо?“, вели тој.
Отец Стеван понатаму нè потсетува на четвртата Божја заповед која вели: „Шест дена работете, а седмиот ден е одмор за Господа, вашиот Бог“. Сепак, тој објаснува дека за да го разбереме ова треба да ја разбереме приказната за седмиот ден.
„Самата приказна за седмиот ден е многу важна. Имено, сите мерки што ги користиме денес се резултат на космички феномени. Дваесет и четири часа е периодот што ѝ е потребен на Земјата да ротира околу својата оска, месецот е поврзан со циклусот на Месечината, една година е периодот што ѝ треба на Земјата да направи целосен круг околу Сонцето. Неделата нема космичка основа“.
Тој понатаму објаснува дека низ вековите луѓето се обидувале да го променат овој редослед, но безуспешно. Неделата е најлогично и најдобро време за машка организација на работата и за одмор.
Објаснувањето што значи седмицата во Светото писмо покажува дека многумина забораваат дека првиот ден од седмицата е понеделник, а не недела. Господ создал сè што постои во шест периоди, односно шест дена. „На шестиот ден се одмораат од своите дела“, вели Светото писмо.
Сепак, и овде има една важна работа што треба да се истакне. Седмиот ден е сабота. Недела е првиот ден, денот на сонцето, денот на светлината, првиот ден на создавањето, денот кога Бог ја создава светлината.
„Господ воскреснува на денешен ден, а ние христијаните денес го славиме овој ден, недела, не затоа што е седми ден од старозаветните евангелија, туку затоа што тоа е денот на кој Господ воскреснал, а Велигден е почетна точка на нашиот живот и нашата вера“, појаснува.
Тој понатаму објаснува дека Господ не спиел на седмиот ден, туку дека симболично се поврзува со Велика Сабота, денот кога оној што го создал светот е во гроб и почива.
„Како што се ширело христијанството, многу луѓе се собрале околу Црквата, особено кога христијанството станало државна религија. Луѓето ја прифаќале христијанската вера од различни причини и мотиви, па имало многу кои не биле искрени, туку влегувале во Црквата за профит. Поради ова, верниците почнале да ја пропуштаат литургијата, а тоа било најголемиот грев. Еден од најчестите изговори за недоаѓање било дека имале обврски. Така интервенирало византиското законодавство и донело државен закон со кој се забранува секаква работа во недела и за време на празници. Затоа, тоа е државен закон, а не црковен. Дури и во одредбата на овој закон се споменува дека земјоделците се исклучени и изземени од овој закон и дека не подлежат на парични казни, бидејќи имало работни места што треба да ги извршуваат без разлика на празници, на пр. собирање сено“, објаснува.
Затоа, гревот не е да се работи, туку да не се доаѓа на литургија, бидејќи се’ друго ставаме пред верата.
„Значи, перете слободно кога има црвен датум во календарот. Не перете рачно, туку во машина. Ваше е да дојдете во црква и да се причестите, така знаете дека сте христијани. Ставајќи каков било приоритет надвор од Црквата, ја промашуваме нашата суштина“, завршува тој.
