На 64-годишна возраст денеска почина Дејв Кортни.
Aнглискиот актер се самоубил пукајќи си во глава во својот дом, пишува „Дејли меил“.
„Никој од неговото семејство не е уапсен, но истрагата е во тек“, соопшти полицијата.
Дејв Кортни на јавноста ѝ беше познат како „самопрогласен гангстер“, откако во повеќе наврати се пофали дека се познава со голем број англиски криминалци, како Лени Меклин и Реџи Креј.
Медиумите потсетуваат на неговите претходни тврдења дека повеќепати бил нападнат со огнено оружје, дека во една прилика бил прободен со нож, но и дека тврдел оти „морал да убие за да остане жив“.
Пред да заплива во актерските води се занимавал со наплата на долгови, а го гонеле и затоа што пред 10 години наводно ја претепал својата тогашна девојка.
Кортни беше роден на 17 февруари 1959 година, а имавме можност да го видиме во филмовите „The Dead Sleep Easy“, „Six Band Trap“, „Hell To Pay“.. Интересно е што токму тој бил инспирација за ликот на поранешниот фудбалер Вини Џонс во култниот филм „Lock, Stock and Two Smoking Barrels“.
