Познатиот актер и фитнес-модел Алек Мусер, кој беше ѕвезда на телевизиската серија „Сите мои деца“, ненадејно почина на 50-годишна возраст.
Според извештајот на „Дејли мејл“, постои сомнеж дека Мусер се самоубил, а неговото тело е пронајдено во куќата во Калифорнија каде што живеел.
Според информациите од извештајот на патологот, Мусер последен пат бил виден жив од неговата вереница вечерта на 12 јануари 2024 година, пред да заспие.
Пејџ Прес последен пат го видела Мусер жив ноќта пред неговата смрт во нивниот дом во Дел Мар на 12 јануари, според соопштението за печатот од канцеларијата на судскиот совет. Утрото на 13 јануари таа го пронашла Мусер „седнат и паднат напред на подот во бањата“. Болничарите и органите на редот ја потврдија смртта.
„Никогаш нема да престанам да те сакам. Моето срце е скршено“, напиша Пејџ за својот животен партнер на социјалните мрежи.
Масер (50) беше најпознат по улогата на Дел Хенри во ТВ-сапуницата „Сите мои деца“, каде што глумеше во вкупно 43 епизоди во периодот од 2005 до 2007 година. Покрај тоа, тој се појави и во други популарни остварувања како „Возрасни“, „Рита Рокс“, „Очајни домаќинки“ и „Пат до олтарот“, оставајќи свој белег во светот на забавната индустрија.
Покрај актерството, Масер се појави и на насловните страници на неколку списанија, како „Men’s Health“, „Men’s Workout“ и „Exercise Health“, што дополнително придонесе за неговата популарност и препознатливост.
Неговиот колега, холивудскиот актер Адам Сендлер, со кој глумеше во филмот „Возрасни“, напиша емотивна посвета на „Инстаграм“ истакнувајќи ја неговата прекрасна личност и испраќајќи љубов кон неговото ожалостено семејство.
„Го сакав овој човек. Не ми се верува дека го нема. Толку прекрасен, смешен и добар човек. Моите мисли се со Алек Мусер и неговото семејство и им ја испраќам сета моја љубов. Беше вистинска, голема душа“, напиша Сендлер.
