Ерин Патерсон (48) од Австралија е уапсена под обвинение дека ги отрула свекорот, свекрвата и уште две лица.
Постои основано сомнение дека оваа жена со отровни печурки ги убила бившите свекор и свекрва и сестрата на свекрвата.
На 29 јули ги поканила на ручек, а се верува дека стекот го подготвила со зелена пупавка (вид на отровна габа).
Еден ден подоцна нејзините свекрва и свекор Гејл и Дон Патерсон, сестрата на свекрвата Хедер Вилкинсон и нејзиниот сопруг Иан завршиле во болница со стомачни проблеми.
Нивната состојба нагло се влошила, поради што биле итно префрлени во болница во Мелбурн.
И покрај максималните напори на лекарите, Гејл и Хедер починале на четврти август, а Дон ја загубил битката за живот следниот ден.
Оттогаш, лекарите лавовски се борат да го спасат животот на Иан, кој чека трансплантација на црн дроб.
