Поранешниот детски актер Еван Елингсон почина на 35-годишна возраст.
Тој е пронајден мртов во спалната соба на клиниката за рехабилитација во Фонтана, Јужна Каролина, пишува TMZ.
Неговиот татко Мајкл ја потврди тажната вест. На медиумите им откри дека син му се борел со дрогата, но дека во последните години му било многу подобро.
Според информациите од вештачењето, се чини дека не се работи за кривично дело, а причината за смртта засега не е позната.
Елингсон се прослави покрај Камерон Дијаз во филмот My Sister’s Keeper од 2009 година. Беше познат и по улогата на Кајл Хармон во хит-серијата „ЦСИ: Мајами“.
Во шоубизнисот влезе релативно млад, на 13 години со мала улога во еден телевизиски филм. По кусото појавување во „Општа болница“ доби можност да глуми и во сериите „Тоа беше тогаш“, „Целосно дивјаци“, „Коски“ и „24“.
