„МВР должи сериозна прес конференција веднаш зошто вечерва ниеден родител нема да спие мирно во Македонија. И тоа како фали објаснување што е тоа „користољубие“ и поврзаноста меѓу двата случаи“, напиша на својот фејсбук-профил д-р Ненад Лазаров.
Неговиот статус за неполн час собра илјадници лајкови. Многумина се прашуваат колку родители утре ќе си ги пуштат децата на училиште, по „штурото соопштение дека малолетната Вања е грабната од пред врата“.
И новинарката Сашка Цветковска го коментира однесувањето на властите.
„Безобѕирно е однесувањето на полицијата и на обвинителството кон вознемирената јавност. За ваков исход не ги игнорирате новинарите, не ги игнорирате граѓаните и никако не праќате вакво штуро и нејасно соопштение во 9 навечер кое што отвора простор за шпекулации и нови теории на заговор по социјалните мрежи, како да не им е доволно и овој пекол на семејствата на жртвите. Немаше семејство во земјата со деца кое што не живееше во страв сите овие денови, должите минимум коректно информирање. Нека почиваат во мир и девојчето и дедото. Посакувам семејствата да најдат утеха“, напиша таа.
