Исто лице е осомничено за убиствата на исчезнатата 14-годишна Вања Ѓорчевска и велешанецот Панче Жежовски кој имаше 74 години.
Според обвинителот, сите осомничени се Македонци. Вања беше исчезната од понеделникот (27 ноември), додека Панче од средата (22 ноември).
Вања и Панче никогаш во животот не се познавале, ниту пак се сретнале. Тоа за „Фокус“ го открива неговата ќерка Македонка.
Тврди дека ниту таа, ниту пак било кој од нејзиното семејство ја познавал Вања или некој од нејзиното семејство.
„Ниту татко ми, ниту било кој од нас го познавал девојчето лично. Јас сум во полициска станица, уште не знам ништо, освен тоа дека татко ми бил пронајден мртов, закопан. За тоа дека мотивот за убиството бил користољубие, првпат слушам од вас, од новинарите. Не сум го прочитала соопштението од МВР, но можам да кажам дека татко ми никогаш не бил богат човек, затоа и терминот користољубие не знам што значи. Во станица сум, не можам ништо повеќе да кажам, бидејќи и јас немам детали“, вели ќерката за „Фокус“.
