Исти лица стојат зад убиствата на исчезнатата 14-годишна Вања Ѓорчевска и велешанецот Панче Жежовски кој имаше 74 години, објави Обвинителството.
Од спроведените истражни дејствија утврдено е дека и двете убиства се извршени од истите лица, чиј мотив е „користољубие“. Според обвинителот, сите осомничени се Македонци. Вања беше исчезната од понеделникот (27 ноември), додека Панче од средата (22 ноември). Еден од осомничените е надвор од Македонија.
Ќерката на убиениот Панче, Македонка, за ,,Фокус” пред неколку дена сведочеше дека станува збор за човек кој никогаш во минатото не се случило да исчезне, бил витален и немал никакви здравствени проблеми. Во градот бил познат по својата професија, фризер.
-Татко ми живее сам, и од средата е недостапен. Случајот го пријавивме во полиција, вознемирени сме, насекаде го бараме, тој нема ниту деменција, ниту пак било каков проблем со здравјето. Го нема и неговиот автомобил, никаква трага досега..-изјави Македонка на 27 ноември за „Фокус“.
