Љупчо Палевски познат и како Палчо е осомничениот кој според истрагата, стои зад двојното убиство кое ја вознемири македонската јавност, пишува „Фокус“.
Едното убиство е извршено во Велес каде е убиен 74-годишниот фризер Панче Жежовски, а другото во Скопје каде е убиена 14-годишната Вања Ѓорчевска.
Палевски е недостапен и најверојатно отпатувал од државата.
Меѓу осомничените се и веќе притворените Влатко Кешишов и Велибор Манев. Притвор се бара и за Боре Видевски од Велес, тврдат извори на Телма од истрагата.
Осомничените имале блиски релации со Палевски преку неговата радикална „Десна партија“ и на нивните фејсбук-профили имаат заеднички фотографии со Палевски, пишува „Фокус“.
На распит е повикан и таткото на Вања, Александар Ѓорчевски. Според последните, засега непотврдени информации, и тој е уапсен.
