Истрел од огнострелно оружје е начинот на кој е убиена Вања Ѓорчевска, покажува извештајот од обдукцијата на Судска медицина.
Наодот кој се работеше 17 дена, ги демантира гласините по медиумите, но и коментарите од професорката по криминалистика дека девојчето било задушено во вреќата при грабнувањето.
Обдукцијата на двете жртви на Љупчо Палевски-Палчо е готова и предадена во обвинителството, а осомничениот за убиството на Вања Ѓорчевска и Панче Жежовски се’ уште е во екстрадициски притвор во Турција.
ТВ-магазинот КОД открива дека за грабнувањето на 14-годишното девојче постоел добро организиран план во кој групата водена од Палевски имала строга хиерархија.
Најмалку една разузнавачка агенција имала податоци за активностите на Палевски и на неговата партија Десна.
Истрагата за грозоморното убиство се’ уште е активна, а резултатите се скриени пред јавноста, информира КОД во најваната шпица.
