Maкедонскиот прволигаш Воска Спорт на „Фејсбук“ објави тажна вест.
Почина Енвер Сулејмани, човекот кој работеше како генерален директор на клубот од Охрид и имаше долгорочни планови со Воска.
Во својата кариера Сулејмани работеше во Шкендија, Ренова и Фудбалската Федерација на Македонија каде што беше заменик генерален секретар.
Колегите не открија детали за смртта, но велат дека била шок за семејството и најблиските.
„Утрово добивме тажна вест, го загубивме нашиот член Енвер Сулејмани кој од октомври беше генерален директор. Оваа вест не само што го шокираше неговото семејство, не’ шокираше и нас како клуб бидејќи со Енвер Сулејмани имавме долгорочни планови“, пишува во објавата.