Петгодишниот Велес Пашник почина во саботата во Лавов, Украина, откако падна во кома откако му беа извадени млечните заби.
Детето доживеало срцев удар и паднало во кома при вадење на два млечни заба под тотална анестезија. Лекарите успеале да го реанимираат и бил префрлен на одделението за интензивна нега во болницата каде поминал 37 дена.
„Летај, наше детенце, биди наша светлина од небото. Почивај во мир драг наш“, напиша Виктор, таткото на момчето, на својот профил на социјалната мрежа „Фејсбук“.
Велес имал закажана интервенција на осми декември. Како и секое дете кое се плаши од забар, не бил воодушевен од идејата, а, како што наведува таткото, на денот на операцијата видно протестирал и одбивал да се подготви за закажаниот термин.
„Како да се претскажуваше трагедија. Одби да му стават маска, на крајот анестезиологот насилно го направи тоа пред мојата сопруга. Таа го молеше да престане, но тој не ја послуша, по што Велес заспа“, раскажува таткото.
По извесно време мајката била сведок дека нешто се случува во салата кога слушнала чудни звуци.
„Почнаа да се собираат медицински работници, две екипи на Брза помош. Директорот на клиниката рече дека на детето му застанало срцето за време на операцијата и дека успеале да го реанимираат, но дека мора да оди во болница. Таму дознавме дека е во критична состојба. Исто така ни рекоа дека за време на стоматолошката интервенција имало период кога синот бил клинички мртов и дека хирурзите предолго чекале за реанимација. Потоа ни рекоа дека мозокот на детето е мртво и дека само апарати го одржуваат во живот“, објаснува ожалостениот Виктор.
Сол на раните на родителите била реакцијата на раководството од клиниката кога започнала целата драма…
Раководството беше незаинтересирано, не ни ги дадоа двата извадени заба при операцијата“, објаснува таткото на момчето кое има и две сестри.
Полицијата покрена кривична постапка, а на обвинетиот му се заканува затворска казна до три години или ограничување на слободата до пет години со одземање на правото да врши одредени функции или да се занимава со одредени дејности до три години.
Директорот на клиниката „Ори-Дент“, Роман Ониско, за локалните медиуми изјави дека соработуваат со истражните органи.
„Во моментов лекарите кои се занимаваат со давање медицинска помош се суспендирани од должност до завршување на истрагата“, изјави Ониско.
