Новороденче е пронајдено мртво во тоалет во паб, а полицијата итно ја бара мајката на детето.
Телото на девојчето било откриено во неделата.
Брзата помош во Оултон, во близина на Лидс, пристигнала околу 16 часот и 45 минути на местото на хоророт, каде што констатирале дека бебето починало.
Полицијата во Западен Јоркшир сега очајно ја бара мајката на детето, пишува британски „Сан“.
„Ова е трагичен настан и итно апелираме до мајката на девојчето да контактира со нас или да побара лекарска помош, бидејќи таа поминала низ крајно трауматично искуство и можеби ќе има потреба од лекување“, изјави Џејмс Ентвистл од Главниот истражен тим.
Идентичен случај ја потресе светската јавност на крајот на минатата година.
На втори ноември, новороденче беше пронајдено мртво во контејнер во градот Порто Кристо на Мајорка, а полицијата успеа да ги реконструира настаните кои доведоа до страшно откритие.
Имено, трудницата се пожалила на мачнина, а нејзината сестра и девер ја собрале во автомобил. Меѓутоа, 40-годишна жена неочекувано се породила по пат. Потоа со автомобилот се упатиле до контејнер, каде што деверот на свекрвата го фрлил бебето кое било родено во 28-та недела и тежело само 300 грама.