Спортската јавност е во шок по ненадејната смрт на 17-годишната гимнастичарка Марија Харанц Гомез.
Починала во четвртокот во Универзитетската клиника во Гвадалахара како последица на менингитис.
„Сакаме да ја изразиме својата најголема болка, со искрено сочувство на семејството и пријателите на Марија, посебно до нејзините родители, Ракел и Алфонсо, нејзиниот помал брат и сите нејзини роднини“, напишаа од Градското собрание на Гвадалахара каде ќе биде прогласена дводневна жалост.
Марија беше репрезентативка на Шпанија во гимнастика, специјализирана за трамполина. Беше дел од селекцијата на Шпанија на Светското првенство во ноември 2023 година, а кандидат за настап и на Летните олимписки игри 2024.
