На 50-годишна возраст ненадејно почина Пеѓа Петровиќ.
Хармоникашот починал синоќа како последица на срцев удар, дознава „Гранд онлајн“.
Познатиот музичар претходно не се жалел на здравствени проблеми, па неговата смрт во шок и со неверување ја дочекаа неговите колеги и пријатели.
По веста за неговата смрт, тие со трогателни посвети се простуваат од својот колега, а меѓу нив и поранешниот учесник во шоуто „Никогаш не е доцна“, Зоран Стојановиќ Поштар. Тој напиша дека чувствува голема болка и тага поради ненадејната смрт на хармоникашот.
„Почивај во мир, Пеѓа, човеку со чисто срце, драг пријателе и голем мајсторе! Рано брат. Ти замина и дел од мене отиде со тебе. Ти должам многу и ти благодарам за се’. Без такви луѓе и мајстори не би бил таму каде што сум денес. Сочувство до семејството“, напиша тој.
На „Фејсбук“ се огласи и младиот хармоникаш Славко Кулиќ.
„Замина мојот пријател Пеѓа на вечен одмор и со себе понесе дел од мојата младост“, напиша тој.