Тажна вест
Почина Томе Јанчевски-Мечето, долгодишен секретар на фудбалскиот клуб Пелистер.
Оваа функцијата ја извршуваше речиси две децении.
„Јанчевски беше секретар и најблизок соработник на неколку најдобри претседатели на Пелистер, сведок на сите случувања, кога Битола беше центар на македонскиот фудбал, активен учесник во многу победи и успеси на клубот, активен учесник во многу фудбалски трансфери на фудбалери и тренер“, пишува „Битола њуз“.
Беше препознатлив по својот карактеристичен имиџ, а битолските љубители на фудбалот Мечето ќе го паметат и по неговиот продорен глас кога редовно реагираше на некоја судиска одлука на штета на Пелистер или за некој неспортски потег на противничките фудбалери.
Јанчевски имаше 70 години.