Огромна тага
Ненадејно почина Иван Бусато на 20-годишна возраст, информираат регионалните портали.
Не е позната причината за смртта на младиот хрватски пливач кој беше и фудбалски судија.
Тој лани го освои првото место на хрватскиот шампионат за сениори во дисциплината 1.500 метри слободно. Бусато беше член на пливачкиот клуб „Јадран“.
Тажната вест ја објави Фудбалскиот сојуз на Сплитско-Далматинската жупанија.
„Вчера на 20-годишна возраст ненадејно почина Иван Бусато, фудбалски судија на НСЖСД. Почивај во мир Божји. Искрено сочувство до семејството“, пишува во соопштението на фудбалскиот сојуз на Сплитско-далматинската жупанија.