Во народната медицина ова растение сѐ уште се смета за многу корисна билка која лекува многу болести.
Се користи и како лек и како храна, но и како зачин поради ароматичниот вкус и мирис.
Во средниот век била една од главните лековити билки кои се користеле, најчесто за покачена температура и треска. Во тој период многу луѓе ги почувствувале благодетите на ова растение, па дури и го добива името ангелска билка. Оттука, подоцна низ годините настанало името Ангелика. Се верува дека ја открил Свети Архангел Михаил.
Коренот на оваа билка е добар и за варење, а етеричните масла од ова растение се користат за поттикнување на апетитот, но и за опоравување од тешки состојби како анорексијата.
Оваа билка помага и за менструални и за ревматски болки и за болести на црниот дроб. Билката помага и за воспаление на белите дробови. Го спречува и згрутчувањето на крвта, па се препорачува и за лекување тромбоза. Се користи и како средство за смирување и за мирен сон.
Сепак, важно е да се напомене дека конзумирањето на овој лек не е препорачано за време на бременост, но и подоцна во период на доењето на бебето. Не се препорачува да го конзумираат ниту луѓе со дијабет и оние кои веќе пијат лекови за да не им се згрутчува крвта.
Иако многу помага, оваа билка денес е речиси заборавена и надвор од употреба.
