Докажаната македонска пејачка Викторија Лоба денеска гостуваше во утринската емисија на „Телма“.
Освен за проектите на кои е фокусирана во моментов, таа зборуваше и за пандемијата, па откри дека дури двапати го прележала коронавирусот, за среќа, без никакви симптоми.
При крајот на разговорот, водителот Ненад Ѓоргиевски ја спомна и актуелната ситуација со војната во Украина.
Оваа тема е исклучително чувствителна за Викторија која е родена Русинка.
„Јас сум со огромна желба за мир, за љубов и разбирање помеѓу сите, помеѓу народите.. Пред се’ сакам да кажам дека народот треба да биде соединет, не треба да не’ одделуваат без разлика дали се работи за различни народи и националности.. Треба да го доживееме тоа единство во нас и кога тоа ќе се случи, нема да може ниту еден политичар да не скара“, рече Лоба во емисијата и се расплака.
Пејачката објасни дека живееме во време кога едноставно сите емоции се потрошени.
„Навистина е хаотично во целиот свет ова што се случува моментално“, дополни таа.
Ј.П.
Фото: Принтскрин/Телма
* Текстот не смее да биде превземан без дозвола на редакцијата на МАСТИЛО
