Има ли крај?!
Нов смртен случај во битолската болница повторно ги вознемири граѓаните на градот. Овопјат починало бебе, само два часа од породувањето.
На мајката која има 24 години ова ѝ била прва бременост. Вчера била хоспитализирана со породилни болки, а претходно немала никакви проблеми и имала нормален тек на бременоста.
Според лекарите, пак, станувало збор за исклучително тешко породување и дека состојбата на бебето уште веднаш била многу сериозна. И покрај напорите за реанимација бебето починало по само два часа, јавува „А1 он“.
Мајката е во релативно добра здравствена состојба.
Со случајот е запознаен и министерот за здравство кој веќе разговарал и со мајката и со лекарите. Тој најавил испитување на случајот и допрва ќе се утврдуваат причините за смртта на новороденчето.