Со шок и неверување љубителите на домашниот звук вчера ја дочекаа информацијата за прераното заминување на Александар Петровски.
Тажната вест ја споделија членовите на составот „Крул“.
„Со тешко и скршено срце ве известуваме дека Александар Петровски-Гранџ, синоќа ненадејно го напушти овој свет и замина во вечноста. Ќе го паметиме како дел од првиот состав на нашиот бенд, но и како човек со меко и добро срце кој ги преточуваше емоциите во памук меки мелодии. Незаменлив. Ќе фалиш Гранџ и нема да бидеш никогаш заборавен! Сочуство до семејството“, напишаа од групата.
Ова е дефинитивно тажна недела за македонската музика. Синоќа ненадејно почина и познатиот саксафонист и кларинетист Илми Мустафов, инаку син на легендарниот македонски музичар Ферус Мустафов кој се упокои пред само три месеци.