Поќерката на познатиот мексикански пејач Луис Анхел, Марија Фернанда Роблес (21), трагично почина на летување.
Марија се удавила во популарното летувалиште Мазатлан во понеделникот во 4 часот и 40 минути. Според последните извештаи на тамошните новинари, по забавата, таа со неколку пријатели отишла на утринско капење во популарното одморалиште во државата Синалоа.
Локалните медиуми јавуваат дека била во алкохолизирана состојба во моментот на несреќата.
Капачите го виделе телото како лебди и повикале брза помош. Пријател на Марија, наводно, исто така доживеал инцидент додека сурфал, но, за среќа, бил извлечен на безбедно.
Пејачот, скршен од болка, се огласи со потресни зборови.
„Морам да ја објавам смртта на мојата ќерка Марија Фернанда. Тоа е најголемата болка што човек може да ја почувствува. Ги ценам сите пораки со поддршка и љубов што ги добив. Ве молам за разбирање и за почитување на приватноста во овие исклучително тешки мигови за нас“, напиша Анхел на социјалните мрежи.