Ако се’ уште мислите дека свадбата е место за шеги, се лажете. Затоа, внимавајте што ќе изговорите на вашиот најважен ден, истиот многу лесно може да се претвори во општа катастрофа ако налетате на намќорен свештеник или матичар.
Оваа двојка се соочи со невидена брука откако невестата му „згази на жуљ“ на матичарот поради само еден изговорен збор, Не му требаше повеќе за да ја откаже венчавката и да им порача на младенците да се вратат друг пат кога ќе знаат како да се однесуваат.
Интересно видео, наводно снимено во Каракас, на социјалната мрежа „Тик Ток“ го објави извесниот адвокат Фернандо Хозе Ариас.
На прашањето дали по своја волја го зема партнерот Данило за сопруг, Миријам на шега најпрв одговара негативно, а потоа веднаш низ насмевка вели дека се согласува на брак.
Сепак, на нејзино големо разочарување, матичарот одлучува веднаш да ѝ покаже црвен картон.
„Не, не можете да се шегувате. И, не, не прифаќам извинување. Нема да можеме да ја завршиме оваа венчавка денес. Можете да разговарате со секретарката и да закажете друг состанок”, ѝ вели господинот на девојката.
Матичарот потоа му го враѓа прстенот на младоженецот, а во продолжение на видеото адвокатот Аријас објаснува дека тој има право на ова и нагласува дека несериозноста може да доведе токму до такви последици.
