Унгарскиот фудбалер Марко Варга (26) загина во сообраќајна несреќа во Австрија, каде што настапувал за локалниот тим АСКО Донау Линц, јавуваат тамошните медиуми.
Несреќата се случила синоќа, еден ден откако го одиграл последниот натпревар за својот клуб на кој се запишал и во листата на стрелци. Се’ се случило на автопатот А1 Запад кога возач на комбе со полна брзина налетал на неговиот автомобил.
Брзата помош успеала да го оживее, но подоцна во болницата им подлегнал на повредите.
Варга беше познат во регионалните лиги на Австрија, а спортскиот директор на неговиот клуб, Курт Баумгартнер, е во шок по трагедијата.
„Не знам што да кажам, ситуацијата е многу тешка за сите нас. Сè уште не можеме да поверуваме“, изјави тој.
Варга беше многу талентиран во јуниорските селекции каде меѓу другите настапуваше за Хонвед, Академија Пушкаш и Видеотон. Играше и за младинските селекции на Унгарија, но никогаш не го исполни својот целосен потенцијал.