Тажна вест сподели Македонската православна црква во Лондон.
Денес во раните утрински часови, по долго и тешко боледување, се упокои Стефан Таушанов.
„Стефан почина во Addenbrook’s Hospital, Cambridge опкружен и опсипан со љубов од потесното семејство и молитвен Канон за исход на душата. Неговото семејство, а особено Стефан беше верно чедо на нашата света Парохија, под закрила на Св. Архангел Михаил.
Со својата смиреност и чиста вера не’ научи сите како се поднесува секое искушение што ќе го допушти Господ заради нашето спасение. Почивај во мир драг пријателе и нека ти е вечен споменот“, стои во објавата.
Сочувство до семејството.
