Ени Шарлот е 24-годишна Британка на која ѝ е дијагностицирана ретка состојба.
Оваа девојка има две вагини и две менструации месечно, а дури би можела истовремено да забремени со две бебиња од двајца различни татковци, потврдиле лекарите.
Жената со две комплетно функционални вагини и со две матки се научила да живее со овој медицински феномен кој ѝ го откриле кога имала 16 години, а сега дури вели дека се чувствува „баш кул“.
Сепак, кога слушнала за дијагнозата не ѝ било сеедно.
„Бев практично дете. Само што почнав да се интересирам за момчиња и да си го истражувам телото, ми дојде како гром од ведро небо кога ми кажаа дека сум поинаква од останатите. Кога сте тинејџер, сакате да бидете „нормален“ и кога ќе ви соопштат дека не сте, тоа е прилично застрашувачки“, изјавила таа.
На Ена ѝ објасниле што се’ може да очекува од оваа состојба и како истата ќе влијае на нејзиниот живот.
„Ми беше кажано дека ако одлучам да раѓам, тоа ќе биде тежок и комплициран процес, предвремено пораѓање со царски, затоа што фетусот би немал доволно простор да се носи до крајниот термин. Исто така ми кажаа дека постои зголемена опасност од спонтани абортуси“, појаснила таа.
Можеби звучи неверојатно, но мажите дополнително ги заинтригирала кога одлучила да биде отворена за тоа што го има како „дар“. Се соочувала со многу прашања.
„Откако имав однос со момчето, му раскажав за мојата состојба. Во најмала рака беше збунет, ми кажа дека не забележал. Го насочив како да го осети ѕидот кој ми ги раздвојува вагините. И понатаму беше збунет, но и фасциниран“, искрено раскажала.
Нејзината посебна дијагноза одлучила да ја искористи и за профит, па отворила профил на платформата „Онли Фенс“. Сега заработува речиси 80.000 евра месечно како модел.
