Шенон Доерти, поранешната ѕвезда од хит-серијата „Беверли хилс“, лани откри дека повторно ѝ се вратил ракот на дојка и тоа во уште посилен стадиум.
Легендарната Бренда неодамна на „Инстаграм“ сподели објава со која ги вознемири фановите.
„Дали некогаш сте почувствувале дека имате толку многу да кажете, а знаете дека нема да можете?“, напиша таа.
Блиски пријатели на легендарната Бренда велат дека нејзината здравствена состојба е секој ден се’ полоша.
„Човек се уморува од борба со ветерници. Така и таа се умори од борбата со ракот. Иако не се предава, свесна е дека нејзиното заминување е се’ поизвесно. Последните резултати се далеку од охрабрувачки“, вели извор близок до актерката.
Пред неколку месеци Доерти призна дека се помирила со фактот дека овојпат нема да успее да ја победи болеста и дека се подготвува за сопствената смрт. Таа дури тврдеше дека си одбрала и фустан за своето вечно почивалиште.
Фото: Инстаграм
* Текстот не смее да биде превземан без дозвола на редакцијата на МАСТИЛО.