Во болницата во Кент почина Оливер Стипер, деветмесечното бебе на кое пред шест дена му се слоши во градинка.
Од безбедносни причини, британските власти привремено го затворија објектот. Според неофицијални информации, детето во градинката наеднаш почнало да се дави, но не е познато која е причината за овој немил настан.
„Во тек е истрага која ќе покаже дали во градинката се прекршени стандарди кои можеби довеле до смртта на Оливер. Додека трае истрагата, градинката ќе биде затворена“, соопшти полицијата.
Луѓе во огромен број спонтано се собраа пред градинката оставајќи пораки и играчки во чест на починатото дете. Од него со трогателна порака се простија и родителите Зои и Луис, пренесува „Мирор“.
„Нашето дете, центарот на нашиот свет, за жал ја изгуби битката за живот. Почина мирно во нашите раце. Ни носеше радост и среќа секоја секунда откако се роди. Жал ни е што не можевме подолго да уживаме во неговата насмевка. Се’ би дал уште еднаш да го чујам неговиот глас“, напиша на „Фејсбук“ несреќниот татко.
Фото: ЏастГивинг
* Текстот не смее да биде превземан без дозвола на редакцијата на МАСТИЛО
